Pallesaotebal

Zaoterdaag 16 jannewari

Trio 2016

Dao isse dan!

Trio 2016

Daonet is tièdes ‘t 10e Pallesaotebal ’t nieje Kwastetrio bekind gemak.

Ónder ’t motto “Gaef De Kwas de ruumte” verschene Prins Mark d’n ièrste met zien adjudante Pascal en Nick op Kwastebühne.

Prins Mark Gommans is 39 jaor ald en getrouwd met Nadia. Same hebbe zeej twieë blage; Owen en Mila. In ’t dageliks laeve is hae werkzaam beej UPS in Eindhoven. Zien hobbies zien Vastelaovend viere, voetballe, nao VVV en ein gooje film kièke.

Adjudant Pascal Horvers is 37 jaor ald en woeënt same met Anouk. Zeej zien de gruuëtse elders van dreej blage; Gies, Sam en Mouk. In ’t dageliks laeve is ouk hae werkzaam beej UPS Eindhoven. Zien hobbies zien voetballe, nao VVV, Vastelaovend viere en träöte beej Joekskepèl Dreej daag um.

Adjudant Nick van Zeijst is 40 jaor en woeënt same met Nicole. Same hebbe zeej twieë blage; Eef en Sil. In ’t dageliks laeve is hae werkzaam beej Philips. Zien hobbies zien voetballe, nao VVV en Vastelaovend viere

Alle dreej voetballe zeej idder waek in de zaal op de Pestoeër Opheijstraot in Venlo-Zuid, gaon zeej trouw nao De Koel en zitte zeej beej Spaarkas De Flodderkas.

’t Trio hilt receptie op vrièdaagaovend 5 fibberwari um 20:11 oor in Feestzaal Ut Tref.

Partyband "Aparty"

Vanaaf dit jaor hebbe weej in Partyband Aparty eine nieje begeleidingsband gevónde. Zeej zulle veur óg swingende vastelaovesleedjes ten gehure bringe. Stumming make en gaas gaeve is eur op 't lièf geschreve. Dans en zing mei met dees geweldige partyband oèt Venlo.

Bezeuk website

DJ Salva

Ouk niej op Kwastebühne is dit jaor DJ Salva. Deze bekinde Venlose DJ is nimmer weg te dinke oèt de Venlose clubscene. D'n Discodens, Fabulous NYE, Paradefeeste en as vaste DJ van Scala's That 90's Show dreijt hae minnig digitaal plaetje. Tièdes 't Pallesaotebal meug heej duike in 't rièke vastelaovesleedjesarchief en dees in 'nne potpourri aanein mixe. Geej zult merke det deze Venlose jóng de vastelaovend hoeëg in d'n bol haet zitte.

Bezeuk website

Beppie Kraft

Neet niej op Kwastebühne maar zièr gewins is de enige echte Keuningin van 't Limburgse leed, Beppie Kraft. Wae kint noow neet de meizingers De nach is nog zoeë laank, In d'n hiemel, De hermenie en gank zoeë maar door. Tièdes Serious Request in Heerlen haet zeej nog gezónge, ièrs boète en toen zelfs in 't Glaze Hoès. Dees, noow landelik bekinde arties, is neet weg te dinke van minnig groeët Limburgs evenement. Weej zien d'r daorum gruuëts op det zeej, op ut grutste vastelaovesevenement in Zuid, op Kwastebühne steit.

Bezeuk website

Blief op de huuëgte

via ozze niejsbreef

Inschrieve veur de niejsbreef

Informatie

Algemeine informasie euver ut Pallesaotebal

Wannier is ut Pallesaotebal?

Zaoterdaag 16 jannewari 2016

Wie laat begint ut?

Weej starte um 19:45 oor. De deure gaon um 19:00 oor aope en sloète um 20:30 oor.

Wat kos d'n entree?

As insigste in gans Venlo, is ut Pallesaotebal gratis toegankelik!

Mot ik in gala komme?

Nae, gaer zeen weej dich oètgedos in vastelaoveskleijer.

Wie kin ik mich verkleije?

Dink aan ut motto en laef dich oèt! Hebse det neet, genne ramp! Doot dan wat anders joeksigs aan.

Wat is ut thema/motto?

Dit jaor is ut motto: "Gaef De Kwas de ruumte"

Wae organiseert ut?

De organisatie van ut Pallesaotebal is in hand van Vastelaovesgezelschap De Kwas

Nog ein andere vraog?

Vul ut kontakformulier in en weej gaeve spoedig antwoord.

Neem kontak op

Vul onderstaond formulier in

Lokatie

Feeszaal Ut Tref
Hendrikxstraot 17
5912 BW Venlo